PARADISEC
Ostrelia hemi stap long medel blong fulap defdefren kalja mo lanwis long Pasifik. Bitim 2000 lanwis oli stap long Ostrelia, Pasifik aelan mo PNG (we igat klosap 900 lanwis i stap). Be, kasem en blong yia 2100 maet i gat plante lanwis i lus. Ol rikoding we i stap oli no save kasem evri samting we lanwis i save talemaot long hem, mo evri spesel kaen samting we wanwan lanwis i gat long hem (olsem ol singsing, ol toksave, ol storian).
PARADISEC (Pacific And Regional Archive for Digital Sources in Endangered Cultures) hem i wan organaesesen we i stap lukaotem ol rikoding mo pepa long ol defdefren lanwis. Mifala i bin mekem wan sef ples blong lukaotem ol samting ia, mo seremaot wetem ol man we i stap long rikoding, o maet sam bumbu blong ol i stap.
Mifala i bin wok tugeta wetem Vanuatu Kaljoral Senta, Iunivesiti blong Niu Kaledonia, Museum blong Solomon Aelen, Institiut of Papua New Guinea Studies mo sam man blong Rapa Nui (Ista Aelen).
Wetem wok we mifala i mekem finis yumi save faenem olgeta tep rikodings mo dijitasem olgeta blong oli stap sef naoia kasem long fiuja. Plante we mifala i bin faenem oli kamaot long yia 1950s mo 1960s.
Rikodings we sam man oli bin mekem bifo oli stap long ril-tu-ril tep mo long kaset be naoia i nomo gat ol masineri blong lesen long rikoding ia. Sipos i gat saeklon o maet sam narafala disasta i kasem ol tep ia bae oli lus, wetem ol histri mo storian we oli bin stap long hem. PARADISEC i mekem fulap kopi oli stap. Evri rikoding i gat spesel ‘kondisen’ we oli talemaot hao nao ol defren man oli save lesen long rikoding ia. sam, maet oli open blong eni man i save lesen, be sam nara rikoding maet i gat sam tabu long hem we yu mas askem pemisen bifo yu save lesen long hem.
Yu save faenem ol samting we i stap insaed long PARADISEC long ples ia: http://catalog.paradisec.org.au
Kopiraet, olsem fasen blong protektem raet blong hem we hem i bin mekem ol rikoding, i stap yet. ‘Moral raet’ blong protektem raet blong hem we i stap insaed long rikoding i stap tu.
Stampa blong wok we PARADISEC i mekem hem i tingting blong sapotem evri kalja mo lanwis blong oli save gat sam rikoding mo sam storian i stap. Yu save harem ol rikoding long mobael fon blong yu.
PARADISEC hemi wan projek we i gat trifala iunivesiti i lukaotem: University of Sydney, University of Melbourne mo Australian National University.
Mifala i askem evriwan we i gat rikoding blong oli save joen wetem mifala blong dijitaesem mo putem oli stap long akaev PARADISEC.
Sipos yu wantem mo infomesen plis askem long:
Nick Thieberger
Nicholas.thieberger@paradisec.org.au
Amanda Harris, admin@paradisec.org.au
tel +61 2 9351 1279
PARADISEC i bin kasem vatu long Australian Research Council, the University of Sydney, the University of Melbourne, and the Australian National University.